16, డిసెంబర్ 2023, శనివారం

ప్రేమ ఎంత మధురం

ప్రేమ ఎంత మధురం https://sanchika.com/prema-enta-madhuram-ya-story/

జ్ఞానోపదేశం

బాలి కధ 41 జ్ఞానోపదేశం "అమ్మగోరూ! అమ్మగోరూ!" అంటూ కేకేస్తున్న కూరగాయలమ్మి గౌరి అరుపుకు "వస్తున్నానే!"అంటూ తన భారీకాయాన్ని నెమ్మదిగా ఊపుకుంటూ వచ్చింది "నళినాక్షి"అక్కడ నుంచి ఊరి కబుర్లు ప్రారంభమవుతాయి వాళ్లిద్దరి మధ్య.ఇంట్లో వంట తప్ప మరేమీ పనిలేని ఆవిడకు గౌరీ మాటలు కొత్త ఊపిరిని పోస్తాయి. బుట్టలో కూరగాయలు కొయ్యటానికని అట్టిపెట్టిన కత్తిపీటను ఆ ఇంటికి రాగానే పక్కన పెట్టేస్తుంది. చిన్న కాపురాళ్ల వాళ్లకు ఆనపకాయలు,గుమ్మడికాయలు కోసి ఇవ్వటానికి తెచ్చుకుంటూ ఉంటుంది.పావు కిలోలు అడిగే వారు ఉంటారు మరి. నళినాక్షి వాళ్ళది పెద్ద కుటుంబం. లంకంత ఇల్లు. ఇంట్లోంచి గేటు దగ్గరికి రావడానికి బోలెడు సమయం పడుతుంది.మనవరాలు,మనవళ్లను కూడా ఆటలకు బయటకు పంపరు. అలా కిటికీలోంచి చూడాల్సిందే. గౌరి కూరగాయలు కొనటానికి వచ్చినప్పుడే పాత బట్టలేమైనా ఉంటే దానికి తెచ్చి ఇస్తూ ఉంటుంది. " పెద్ద మనసమ్మా మీది.మీ ఇంటి బట్టలతోనే మా జీవితాలు వెళ్ళిపోతున్నాయి" అని ఆమె మానవత్వాన్ని ఎప్పుడూ కొనియా డుతూనే ఉంటుంది గౌరి. "గౌరీ!పిల్లలు మనల్ని చూసే వేరే వాళ్లకు సాయం చేయాలని తెలుసుకుంటారు"అంది పెద్ద రహస్యాన్ని విప్పి చెబుతున్నట్టు. " అమ్మా!ఇన్ని తెలిసిన మీరు ఆ పసికూనలను బయటికి ఆడుకోవటానికి పంపరెందుకమ్మా? పంజరంలో పక్షుల్లా పాపం వాళ్ళని ఎప్పుడూ ఇంట్లోనే ఉంచేస్తారు" "ఏం చేస్తాం చెప్పు గౌరీ రోజులు బాగోలేవు .అందుకనే మనసు చంపుకొని కొన్ని పనులు చేస్తున్నాం. పసిపిల్లలని చూడకుండా అత్యాచారాలు జరుగుతున్నాయిగా" " అవునమ్మా ఎన్నాళ్లిలా పిల్లల్ని మగ్గ పెడతారు?గుడ్ టచ్,బ్యాడ్ టచ్ అని పిల్లలకు చెప్తున్నారంటగా అందరూ.అలా మీరు కూడా వాళ్లకు వివరంగా చెప్పి ఆడుకోనివ్వండమ్మా. నా మాట వినండి"అంది కిటికీ లోంచి కనబడుతున్న పిల్లలను జాలిగా చూస్తూ. " అవునే పరిస్థితులకు భయపడి ఎన్నాళ్ళు బ్రతుకుతాం?పోరాడాలి. ఈరోజు నీ వల్ల నాకు జ్ఞానోదయం అయింది"అంటూ లోపలికి వెళ్ళిపోయింది నళినాక్షి. ఆమె వెనుకే పిల్లలు రయ్యిన బయటికి పరుగెత్తారు. అది చూసిన గౌరి కళ్ళు చెమర్చాయి. సమాప్తం యలమర్తి అనూరాధ హైద్రాబాద్ 9247260206

29, ఏప్రిల్ 2023, శనివారం

విలువల లోగిలి..ఆడియో నవల

https://youtu.be/T_t3Cyhu40M

ప్రేమ వసంతం ఆడియో నవల

https://youtu.be/lrTsswFk1Cg నా పూర్తి ఆడియో నవల "ప్రేమ వసంతం"వచ్చేసిందోచ్! మరింకెందుకు ఆలస్యం?వీలు చూసుకుని వినెయ్యండి!

1, మే 2022, ఆదివారం

ప్రేమవసంతం(నవల)

హాయ్! నా నవల "ప్రేమవసంతం" సీరియల్ గా వస్తోంది.నాది అని చెప్పటం కాదు కానీ ఇది అందరూ చదవాల్సిన నవల.ముఖ్యంగా యువత.దంపతులుగా సామరస్యంగా,ప్రేమగా జీవితాన్ని చివరి దాకా ఎలా గడపాలో తెలియజెప్పే నవల. రామాయణం,మహాభారతంలా ప్రతి ఇంటా ఉండదగిన పుస్తకంగా కొనియాడబడి,చదివిన ప్రతి ఒక్కరూ మెచ్చిన నవల. ఈ సదకాశాన్ని దాసరి చంద్రయ్య గారు మీకు అందిస్తున్నారు.ఉపయోగించుకుంటారని ఆశిస్తూ.. సెలవ్! మీ అనూరాధ https://telugusogasu.com/prema-vasantham-1-yalamarthi-anuradha/